שמחת החיים
וויאזוי דורכצוגיין די שווערסטע און שענסטע צייטן צוגלייך
שלום בית
א נאנטע געפיל פון אהבה ואחוה צווישן מאן און ווייב
אמונה
א גייסט פון קלארע אמונה אויף שריט און טריט
פיין, דו ביסט שוין אינטערסירט צו האבן גוטע שלום בית. די פראבלעם איז נאר אז עס קוקט אויס אז זי איז נישט אינטערסירט אנצוקניפן א ליבליכע קשר מיט דיר. וואס טוט מען? וויאזוי קויפט מען איר אפ?...
דער פעקעדזש ענטהאלט אין זיך א פולע סעריע פון לעקציעס וואס זענען געווארן פארגעלערנט פאר חתנים און אינגעלייט און זענען געווארן רעקארדירט בשעת'ן שיעור. דא ווערן דורכגערעדט די וויכטיגסטע יסודות אין לעבן, וועלכע קומען צוניץ אין יעדן מצב פון א מענטשנס לעבן ווי: שלום בית, שמחת החיים, חינוך הבנים, זעלבס...
טראכט גוט וועט זיין גוט
ווי קאמיש עס הערט זיך איז עס אבער א פאקט: דו ליידסט ווייל דו ווילסט ליידן! האב אבער רחמנות אויף דעם אויבערשטן וואס אים טוט וויי ווען דו ליידסט.
בחנם
תפלת שמונה עשרה
דאווענען שמונה עשרה מיינט נישט "האלטן נאכדעם", דאווענען מיינט א צוגעבינדנקייט צום אויבערשטן מיטן פולסטן מאס הכנעה
בחנם
יום החופה
דעם שיעור איז געאייגענט צו הערן אין דעם יום החופה.
"מיין טייערער, אויב דו ווילסט עכט תשובה טון, הער דעם שיעור אויף דעם אופן ווי איך וועל דיר אנווייזן, וועסטו מיטן אייבערשטנס הילף אנקומען צו זייער א גרויסע מדריגה פון תשובה. דער שיעור קען זיין ווערד מיליאן דאלער אדער קען עס גאר זיין א שאד אויף די צייט. איך בעט דיר ווען דו הערסט דאס אויס, טוה וואס מיר עצה'נען דיר, דעמאלט קען דאס מאכן א געוואלדיגע טויש אין דיין לעבן. יישר כח.
דער שיעור דויערט א שעה און 40 מינוט. מען קען עס נישט אויסהערן צוביסלעכווייז, מען דארף אויסהערן די גאנצע זאך אויף איין מאל אן קיין שום הפסק. שפאר זיך איין אין א שטוב, הער דאס אויס מיט העדפאונס, גרייט אן טישאס נעבן דיר – טאמער עס וועט אויספעלן, מאך צו די אויגן און אזוי הער דאס אויס.
האפנטליך טאמער דו וועסט אזוי טון וועסטו אנקומען צו גאר א הויכע מדריגה פון תשובה, תשובה מאהבה. דער באשעפער זאל אנעמען דיין תשובה און דו זאלסט זוכה זיין צו א גוט לעבן מיט אלעם גוטן. יישר כח.
מיט ליבשאפט,
יעקב משה גאנץ"
בחנם
זיין א שטארקער מאן
צו זיין א שוואכלינג אינדערהיים איז פונקט ווי א 'וויירוס', עס איז אומזעהבאר אבער עס זייעט אן שרעקליכע חורבנות. וואס איז דער פראבלעם און וואס טוט מען דערצו?
בחנם
ווארטן אויף משיח
דורכאויס די פילע יארן האט זיך שוין אנגעלייגט א היבש ביסל שטויב אויף דעם קנעפל פון "ווארטן אויף משיח". לאמיר עס אויפפרישן מיט א נייע דערהער דערין.
בחנם
וויפיל השתדלות דארף מען טוהן?
א צומישטקייט! דא רעדט מען אמונה... אמונה... אמונה... און מיטאמאל זאגט מען אז מען דארף טוהן השתדלות און ארבעטן פאר פרנסה... וויאזוי מאכט מען דא סדר???
בחנם
אהבת ישראל
'אהבת ישראל' איז דער יסוד פון אידישקייט. וואס מיינט דאס 'אהבת ישראל'? פארוואס איז דאס אזוי יסודות'דיג? און וויאזוי קען יעדער פשוט'ער מענטש אנקומען דערצו?
בחנם
החתן ד. ש. שמעלצער
לכבוד הרב ר' יעקב משה גאנץ שליט"א וזוגתו.
ווי הייב איך אן און ווי ענדיג איך?? אנהייבן וועל איך פרובירן אבער ענדיגן דאס איז שוין נישט שייך!!
פון טיפן הארץ וויל איך ענק וואונטשן א הארציגן יישר כח פאר אלעס וואס איר האט געטון פאר מיר, איר האט זיך ממש אויפגעפירט צו מיר ווי א טאטע צו א קינד, צי זאל עס זיין א גוט ווארט, אייער שמייכל, אדער סתם איבערלערנען א הלכה אדער א שיעור, און מיר אריינברענגען אין אהבת ה', צו וויסן פון אזא מין בחינה אז עס איז דא א אייבערשטער אויף דער וועלט!! און בכלל מיך אויסצולערנען וויאזוי צו זיין א מענטש! (אבער קיין ליגענט וויל איך נישט זאגן, ווייל עס איז נישטא אזא זאך, אז א מענטש איז אויסגעארבעט " פונקטליך", אדער שטייגט מען אדער פאלט מען! וועל איך אביסל טוישן די נוסח: און בכלל מיך אויסצולערנען וויארזוי צו קענען ווערן א מענטש), א גרויסן יישר כח, איך וועל עס אייביג געדענקן!!
איז יעצט וויל איך אייך וואונטשן א ברכה זאל דער אייבערשטער טאקע העלפן אז עטס זאלטס זעהן אסאך יודיש נחת פון אייערע קינדער, אייניקלעך, אור-אייניקלעך, ביז די 120 געזונטערהייט, און עס זאל ענק קיינמאל גארנישט פעלן.
ווי עס וואונטשט פיל מיט הכרת הטוב פון טיפן הארצן
המצפה לראותכם
החתן ד. ש. שמעלצער
ש א נייהויזער
לכבוד הרב ר' יעקב משה און דיין טייערע איבערגעגעבענע רביצין תחי'.
וויפל איך טראכט וויאזוי זאל איך ארויסברענגען מיין געפיהלן וויפיל ענק האבן אריינגעלייגט אין מיר, עס איז נישט אראפצושרייבן.
ענק האבן געעפנט מיין מוח זאל טראכטן על דרך הישר, מיין הארץ איז פיל מיט הרגש ענק צו דאנקען.
דער אייבערשטער זאל ענק באצאלן מיט כפלי כפליים, מיט אלעס וואס ס'פעהלט נאך פאר ענקערע לעכטיגע שטוב; ווי מ'זעהט בחוש אז די שכינה רוהעט דארט.
ענקער תלמיד וואס וועט קיינמאל פארגעסן אייער ארבעט.
ש א נייהויזער
מ. ח. , ב. ש. שניטצלער
לכבוד הרב גאנז ומשפחתו
מיט א שטיקל הכרת הטוב קום איך דא וואונטשן א כתיבה וחתימה טובה, וואס דו האסט געטון מיט אונז דעם יאר, אונז אויפגעהויבן די שלום בית, מיט מדות טובות מיט אמונה ובטחון בלי תשלומין, מיט א גוטע הארץ, צוזאמען מיט די רעבעצן תחי' וואס הייבט אויף די טעלעפאן קאללס כאטש מ'איז טרוד.
איך קען מעיד זיין: אז ווען מען קומט אריין אין הרב גאנז הויז פילט מען א קדושה, און ווען מען רעדט נאר אוף די טעלעפאן לייגט מען אראפ מיט א פרישע כח ווייטער ממשיך צו זיין די לעבן, און אודאי ווען מען האט די זכיה צו גיין רעדן פנים בפנים גייט מען אוועק פיל מיט שמחה; אזוי ווי ווען מען קומט ארויס פון א גרויסע רבי.
זאל דער באשעפער העלפן ענק זאלן זוכה זיין צו לעבן לאנג צוזאמען באחדות געזונט און שטארק באהבה ואחוה ושלום וריעות, און זוכה זיין צו בנים ובני בנים, ליכטיגע ערליכע אידישע קינדער ועל כולם זוכה זיין צו מעמיד זיין תלמידים הגונים עד ביאת גוא"צ במהרה בימינו אמן אמן אמן.
מ. ח. , ב. ש. שניטצלער
מרת ווייס
לכבוד הרב גאנז
עס זענען דא מענטשן איבער די וועלט, גוטע אידן וואס זענען פארנומען מיט פארשידענע חסד ארגענעזאציעס – מי כעמך ישראל! אבער דער סארט חסד פון אריינברענגן אמת'ע אהבה ושלום אין אידישע שטובער נעמט אריין אלע.
זאל דער אייבערשטער וואס זעט און הערט און ווייסט וויפיל צייט איר געבט אוועקפאר אידישע שטובער אייך באצאלן מיט א שמחה'דיגע זיס לעכטיג יאר און איר זאלט ווייטער קענען אנגיין מיט אייער הייליגע ארבעט געזונטערהייט, און קיינמאל נישט דארפן צוקומען צו אנדערע.
מרת ווייס
י. און ח. עקשטיין
ווען מיר האלטן ביים אנפאנג פון א נייעם יאר,
איז די צייט זייער פאסיג ביז גאר,
אונזערע ווארעמע געפילן אביסל אויסצודרוקן,
און אונזערע הארציגע וואונטשן צו אייך שיקן,
אין די יעצטיגע צייט ווילן מיר די דאנקבארקייט ארויסווייזן,
וואס איר האט געטון באווייזן,
מיט אזויפיל הארץ און געפיל האט איר זיך אין די מצב אריינגעלייגט,
אייביג מיט אייערע גוטע עצות באגלייט,
יעדע טעלעפאן קאלל וואס נאר עס האט אויסגעפעלט,
האט איר מיט אזויפיל רוהיגקייט און געדולד אויסגעהערט,
נאר ה' קען אייך פאר אלעם באצאלן,
זאל ה' אייך געבן כח צו קענען ווייטער אנגיין אויף דעם וועג,
צו העלפן אידישע קינדער אין פרייליכע טעג,
א שמחת יום-טוב און א שמחת תמיד
וואונטשן מיט פיל שעצונג
י. און ח. עקשטיין